தேவிபட்டிணம்
ஸ்ரீராமன் தன் சேனையுடன் அகஸ்தியர் முன்னிலையில் நவக்ரஹ பூஜிஅ செய்த இடம் தான் நவபாஷாணம் என்று கூறப்படும் தேவிபட்டிணம்.
தேவி மகிடாசுரனை அழிக்கப் போராடிய ஊர்.
இங்குள்ள துர்கையின் அருள் வேண்டி வஸந்த கால நவராத்ரியை ஸ்ரீராமன் அனுஷ்டித்தான்.
கடலை அடைத்த பெருமாள் என்ற பெயருடன் ஸ்ரீராமன் இருக்கிறார்.
கடலுள் ஒன்பது நீண்ட நெடும் கற்கள் நவக்ரஹங்களாக ஆவாஹிக்கப்பட்டு பூஜையில் உள்ளன.
சிறு பாலம் மூலம் சென்று, நீரினுள் இறங்கி அவற்ரைத் தொட்டு வழிபட முடியும்.
நாக தோஷ, ராகு கேது தோஷப் பரிகார ஸ்தலங்களில் ஒன்று.
பாண்டியர் காலத்தில் சிறு துறைமுகப்பட்டிணமாகவும் இவ்வூர் விளங்கிற்று.
நவக்ரஹ பூஜை செய்து ராமன் தன் பாக்ய சக்தியை அதிகரித்துக் கொள்கிறான்.
அப்போது அகஸ்தியர் சூரியனை வழிபடும் தலைசிறந்த ஆதித்ய ஹ்ருதயம் என்ற ஸ்துதியை ராமனுக்கு உபதேசித்தார்.
இலங்கையில் முதல் நாள் போரில் ராமன் சற்று மனம் தளர்ந்த போது, லக்ஷ்மணன் அதை நினைவு கூறி, ராமன் ஆதித்ய ஹ்ருதயம் கூறி சூரியனின் சக்தியைப் பெற்றான்.
மக்கள் இதை மிகவும் அசுத்தம் செய்வது கண்டிக்கத் தக்கது.
நவக்ரஹ பூஜையில் ராமன் எத்தனை கலக்கத்துடன் இலங்கை நோக்கி அமர்ந்திருப்பான் என்று எண்ணிப் பார்க்க நாம் காலம் கடந்து சென்று விடுகிறோம்.
சம்பந்தரின் கோளறு பதிகம், ஆதித்ய ஹ்ருதயம், நவக்ரஹ ஸ்துதிகள், அஷ்டோத்ரங்கள் மனதாரக் கூறி கடலையும் ராமனையும் இலங்கையையும் இணைத்து நம் வாழ்வின் லட்சியங்கள் நிறைவேற நவக்ரஹ சக்திகளைக் கூட்ட வேண்டும் என்ற விழிப்புணர்வைப் பெறும் ஸ்தலம் இதுவாகும்.
நவக்ரஹங்கள் என்பன நம்முள் உள்ள ஒன்பது மனித குணங்களே.
