ஸ்ரீக்ருஷ்ண ஜெயந்தி

 

இதையே கண்ணன் பிறப்பு, ஜென்மாஷ்டமி, ஸ்ரீஜெயந்தி என்றெல்லாம் கூறிக் கொண்டாடுகிறோம்.ஸ்ரீக்ருஷ்ணர் தன் பிறப்பின் மூலம் பல ஆயிரம் மக்களை தர்மத்தின் நல்வழிப்பாதையில் இட்டுச் செல்கிறார்.தர்மத்தைக் காக்க எதையும் செய்யலாம் என்கிறார்.பூரண சுதந்திரமே மனிதனை உயர் செயல் செய்ய வைக்கும் என்கிறார்.தர்மம் ஒன்று தான் வாழ்வின் குறிக்கோள் என்கிறார்.தர்மம் என்பது உயர் சிந்தனை, உயர் செயல், தன்னலம் அற்ற அன்பும், மரியாதையும், சேவையும் ஆகும்.

 

எடுத்த காரியத்தை ஸ்ரத்தையுடன் செய்யும் போது அதுவே மிக உயர்ந்த சேவையாக மாறுகிறது என்பதை கீதையில் கூறுகிறார்.

 

எந்த மனிதன் தன் வாழ்வின் மூலம் பல மக்களை தர்மத்தின் பாதையில் நல்வழிப் படுத்துவானோ அவன் - அவள் அவதாரம் என்கிறது பாரத தேசம்.

 

தர்மத்தின் பாதையில் மனிதன் நடக்க வேண்டும் என்பதை உணர்த்தவே க்ருஷ்ணரின் பாதங்களை வீட்டு வாயில் தொடங்கு பூஜை அறை வரை வரைகிறோம்.

 

க்ருஷ்ண ஜெயந்தியைக் கொண்டாடுக, தர்மத்தின் பாதையில் செல்க, சமூஹம் பின்தொடரும்..